SAGA – Cool Wool ehf. (CW) var stofnað með það að markmiði að markaðssetja vistvæn kælibox fyrir fiskiðnaðinn. Cool Wool var stofnað af Önnu Maríu Petursdóttur árið 2017, sem hefur víðtæka þekkingu á sviði textíliðnaðaðar og nýsköpunar. Meðvituð um þá staðreynd að annars flokks ull er fargað sem nýtist ekki textíliðnaðinum, sá hún tækifæri til að vinna verðmæti úr þessu efni. Með þróunum og rannsóknum varð til ný gerð vistvænna kælipakkninga unnum úr annarsflokks sauðfjárull og sérunnum pappa.
Við þróun á frumgerð vann Cool Wool náið með leiðandi laxeldisfyrirtækjum á Íslandi með það að markmiði að ná yfir þær kröfur sem eru gerðar til kælipakkninga á flutningsleið. Í þessari þróunarvinnu var haft að leiðarljósi styrkleiki, vatnsheldni, einangrun og verð kælipakkninga. Einnig var unnið með Íslenskum textíliðnaði sem kaupir ull beint frá bændum á Íslandi og einnig flutningsaðilum, þ.m.t. Eimskip og Iceland Cargo.
Cool Wool hefur frá 2017 unnið með sænska pökkunarfyrirtækinu Billerudkorsnas við þróun pappa í pakkningar CW Box og nýlega hóf Cool Wool samstarf við Fraunhaufer Institute for Silicate við þróun á frumgerð kælipakkninga þar sem áherslan verður á að þróa 100% vatnshelda lausn sem er um leið sterk, létt og hefur hátt einangrunar gildi. Nýverið hefur Cool Wool í samstarfi við Fraunhofer þróað „Cold breach tækni“ sem hluti af CW Box. Þessi nýja lausn mun gjörbylta kælikeðju fiskútflutnings.
SÝN– Að draga úr mengun hafsins með því að skipta út einnota plastumbúðum með endurunnum og endurvinnanlegum náttúruauðlindum. Með Cool Wool pakkningum (CW Box) aukum við verðmæti fiskafurða í virðiskeðjunni og verndum umhverfið með kælipakkningum unnum með aðferðum hringrásar hagkerfisins að leiðarljósi.
Markmið– Að búa til sjálfbærar, hagkvæmar og vistvænar umbúðarlausnir fyrir fiskiðnaðinn.
Árangur– Frumgerð CW pakkninga hefur verið sannreynd, niðurstöður sýna að ferskur fiskur helst kældur innan 4 ºC í 72 klukkustundir, sami árangur EPS kassar. Markmið okkar er að auka ávinning viðskiptavina okkar hvað varðar sjálfbærni og rekjanleika fisksins á flutningsleið með byltingarkenndum vistvænum kælipakkningum.
Á komandi árum er fyrirséð að mikil aukning verður á flutningi matvæla sem reiða sig á kælipakkningar. Enn í dag byggja hefðbundnar kælipakkningar á 60 ára gamalli tækni þ.e. frauðplasti ( Styrofoam). Því er tímabært að huga að framtíðinni og skoða hlutverk vistvænna umbúða og hlutverki þeirra við að bæta umhverfisáhrif við flutning matvæla. Umræðan um sjálfbæra framtíð krefst þess að dregið verði úr kolefnisfótspori einstaklinga sem og fyrirtækja, umhverfisvænar pakkningar eru óaðskiljanlegur hluti af þeirri umræðu.
Um 350 milljón tonn af plasti eru framleidd á hverju ári í heiminum, og er plast er með skæðari úrgangi sem menn framleiða. Eiginleika plastsins gerir því kleift að safnast hratt upp, og þrátt fyrir að mikil áhersla sé lögð á endurvinnslu plastumbúða er áætlað að einungis 18% af plasti sé endurunnið í heiminum. Ólík plastefni krefjast ólíkra aðferða við endurvinnslu og erfitt hefur reynst að endurvinna sum plastefni, t.d. frauðplast sem er ráðandi efni í kælipakkningum á markaði. Ástæða þess að erfitt er að endurvinna Styrofoam/frauðplast er að það tekur upp mikið af óhreinindum og öðrum mengandi efni í endurvinnsluferlinu og endar því oft sem landfyllingarefni. Með Cool Wool pakkningum er því markmiðið að stuðla að sjálfbærni í flutningi á matvörum, og þar með minnka kolefnisfótspor af völdum flutnings.
Þróunarvinna
